بسم الله الرحمن الرحيم
مرة الجماعة بلدياتناعملوا اجتماع يناقشوا فيه تأخرهم العلمي. فقام واحد بيقول : أمريكا طلعت القمر قبلنا واحنا قاعدين قام رد عليه واحد: خلاص احنا لازم نطلع الشمس. فقالوا: احنا كدة هنسيح رد عليه: يا غبي احنا هانطلعها بالليل.
واحد أشترى عربية بالكمبيوتر فلما عدى التسعين قال الكمبيوتر "بعد التسعين تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه ما وصل إلى 180. كيلو فصاح الكمبيوتر"يخرب بيتك نزلني هنا"
جماعة بلديتنا حبوا يعملوه مزرعة فراخ مرة زرعوا الفراخ بمنقارها الفراخ ماتت المرة التانية زرعوها برجليها الفراخ برضه ماتت قاموا بعتوا لقريبهم العالم
فى بلاد برة فقالهم: ابعتولي عينة من التربه احللها
صعايده وفلاحين بيحششوا بوكس الامن المركزي كبس عليهم الفلاحين استخبوا في الغيط والصعايده استخبوا في البوكس
مقاول احضر مجموعة من الصعايدة لبناء كنيسة وطبعاً عارفين الصعايدة بيحبوا الغناء اثناء العمل قعدوا يغنوا" هيلا هيلا صلوا عا النبي " المقاول سمعهم قالهم هاتخربوا بيتي مش معقول تبنوا كنيسة وتغنوا " صلوا ع النبي" غنوا اي حاجة تانية، في اليوم التالي سمعهم بيغنوا" هيلا هيلا بص ع الحيطة " بص ع الحيطة شاف مكتوب عليها " صلوا ع النبي
صعايدة صنعوا باص بالعرض ليه؟عشان يركبوا كلهم قدام
الابن: بتعمل اية يابا ؟؟ الاب: بكتب جواب لعمك الابن: هو انت بتعرف تكتب ؟؟الاب: يعني هو عمك اللي بيعرف يقرا يا فالح
بلدياتنا مبيعرفشي يعوم وقع فى البحر مات محروق
واحد بلدياتنا رجع من امريكا قاعد يقول لأبوه وأمه الحاجات الغريبة اللى شافها: دانا شفت هناك واحد وقع من فوق عمارة طويييلة قعد ثلاث ايام لحد ما وصل الأرض أمه سألته: طيب مات ؟؟ابوه رد عليها: ثلاث
أيام لا يأكل ولا يشرب أكيد مات
واحد بلدياتنا عنده ارق ومش عارف ينام قال له صاحبه عندي لك طريقة للنوم مؤكدة عد من واحد الى خمس ميه بلدياتنا مكدبش خبر وأول ما الدنيا ليلت راح للسرير وبدا يعد .. واحد .. اثنين ... ولما وصـل الى ميه وتسعة وتسعين ... جـاه النوم … قـام غـسـل وشه ورجــع للـسـريـر يـكـمـل الـعـد
بلدياتنا تاجروا في الموز خسروا ليه ؟ بيرمو الموز المعوج
واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور
واحد بلدياتنا وقع في خلاط الأسمنت طلع منه قال يخرب بيت الملاهي
اربعة بلدياتنا بيلعبو علي الطريق السريع الي العربيه تخبطه مرتين يطلع بره
مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة البقال نعم عندي فقال الطفل طيب بكام
بلدياتنا رجع من السفر لقى الشقة مليانه صراصير غير قفل الباب
كان فيه خمسة بلدياتنا سموا نفسهم الشجعان التلاتة
واحد بلدياتنا اشترى كمبيوتر شال الموس وحط جاموسة
بلدياتنا أول مرة يشوف واحد فلبيني قال يا بخته ده شبعان نوم
واحد بلدياتنا راح يتمشى جابوه من على الحدود
بلدياتنا راح السفاره الامريكيه علشان يسافر امريكا فقلوله انتا معاك لغه فقلهم لغة اه الحكايه كلها عملية فهلوه فسفروه فعدى من قدام مكان فيه فرح كبير قوى فسال واحد خواجه فساله(هو فرح مين ده يا خواجه) فقله اي دونت نوه فعدى تانى بعدها بيوم فلئى جنازه كبيره قوي في نفس المكان فسال واحد خواجه (هو مين الي مات) فقله اي دونت نوه فقله لاحول ولا قوة الا بالله دكان لسه فرحه امبارح
بلدياتنا راح يزور واحد يابانى صاحبه فى مستشفى فى اليابان اليابنى كان نايم وبيتنفس بجهاز التنفس الصناعى فبلدياتنا بيقول لليابانى شد حيلك امال واليابانى يرد ( يوكى شنج ) وبلدياتنايقول ( يوكى شنج ) دى في عنا بس شد حيلك انت اليابانى ( يوكى شنج ) وبعدين مات وفى الجنازه بتاعته بلدياتنا كان بيقول لواحد صاحبه الله يرحمه كان بيوصينى على بنته ( يوكى
شنج ) قبل ما يموت رد صاحبه ( يوكى شنج ) دى مش بنته ده كان بيقولك قوم من على خرطوم الاكسجين
مرة واحد بلدياتنا قطع تذكرتين فى الأوتوبيس، سأله الي جنبه ليه قطعت تذكرتين؟ قاله عشان لو تذكرة ضاعت يبقى معايا واحدة تانية، قال له طب لو التانية ضاعت تعمل إيه قال له طيب ما أنا معايا الاولانيه
واحد بلدياتنا وقع فى حفرة نزلولوا حبل طلع مخنوق
واحد بلدياتنا عرف ان الجلد موضة مشى عريان
بلدياتنا قاعد في حفرة بيفكر.. ليه؟ بيفكر بعمق
سئلوا صعيدى : ليه قتلت أبوك؟ كانوا عاملين رحلة للأيتام, كنت عايز اروحها, طب ليه قتلت عمك ؟ كنت عايز ابن عمي يسافر معايا طب ليه كنت عايز تنتحر أصلهم لغوا الرحلة
صعيدي واقف ينقط ماء ..! ليه ؟؟؟؟ اسمه حنفي؟؟
ثلاثة صعايدة قرروا أن يعملوا مزرعة كتاكيت فحفروا حفرة ورموا فيها الكتاكيت وردموا الحفرة واستنو يوم .. يومين.. ثلاثة وشجرة الكتاكيت مطلعتش، جربوا مرة تانية ومفيش فايدة فقررو يبعتوا أخوهم الي بيدرس في أمريكا و بيحضر دراسات
عليا. فقال لهم ابعتو لي بعض العينات من التربة
صعيدي سافر امريكا شرب من حنفية اوتوماتيك معرفش يقفلها قام رجع على اول طيارة لمصر..قام سالوا: ازي امريكا؟ قالهم :اسكتو زمانها غرقت يا بوووي
صعيدي ماسك ثلجة..وقال :بس أموت واعرف بتنقط منين؟؟
واحد صعيدى راح يشترى لمراته جزمة فراح لمحل وقال لصاحب المحل عايز جزمه من غير كعب وخفيفه شويه ورخيصه صاحب المحل قال ماشي وجاب الجزمه فقالت مراته ده مينفعش انا عايزه بكعب ودبت خناقه فصاحب المحل قرف منهم فقال للصعيدي متخدها بكعب هو انت الى حتلبسها قال لع من غير كعب هو انت الى حتنضرب بيها
اربع صعايده دخلوا الإمتحان جلهم سؤال: كم عدد أرجل المعزه؟ بعد الأمتحان طلعوا كلهم ماعدا حسنين ولما ظهر قالوا له ليه مغششتناش قالهم: أصل المراقب كان جنبي وما اقدرتش أطلع المعزه
هههههههههههههههههههههههههههههههه
اتنين صعايده دخلو كليه الطب واحد اتخرج محامي والتاني محاسب
واحد صعيدي يعمل لدي كفاله شخص في الخليج أخونا الخليجي بيحب الدش جدا ومن الخوف من ملامله الأهل له لم
يعلم أحد أن عنده دش الصعيدي هو حارس العمارة فقال له الخليجي انني خارج في نزهة اليوم فلا تحاول الصعود الي السطح لأنني مربي وحش علي السطح فقال له الصعيدي امرك لكن وقعت الكارثة ففضول الصعيدي غلبه في آخر النهار قال لنفسه لن أهدا الأ برؤية هذا الوحش فذهب الى السطح وخاف من فتح الباب فنظر من ثقب الباب ففر هاربا الى الاسفل فوجده الخليجي في حاله متدهوره وقال له ماذا كنت تفعل فقال له الصعيدي لقد رأيت الطبق الذي يأكل فيه الوحش
واحد صعيدي ركب دماغه عمل حادثه
واحد صعيدي نزل في محطة الرمل رجلة غرزت
صعيدي رايح حفلة تنكرية .. بعت اخوه
بلدياتنا النار مسكت فيه ودوه لدكتور العظام ليه؟ اخوه طفاه بالكوريك
بلدياتنا دخل الجيش ووقف حراسة على بوابة معسكر عدى عليه الشاويش وقاله:اللواء "فريد" جه؟
قاله : ماجاش يا شاويش "محمد" وبعد ساعة رجع له الشاويش محمد وسأله اللواء "فريد" جه؟
قاله لسه ما جاش. وبعد ساعة أخرى رجع له تانى وسأله اللواء "فريد" جه؟ قال له لسه ما جاش. وبعد
ساعة جه اللواء "فريد" قاله العسكري: أنت فين الشاويش"محمد" حيخرب بيتك
صعيدي مسطول بيلعب كورة اخد الكورة على صدرة طلعها من مناخيرة
بلديتنا حب يولع فى مراته ولع فى نفسه و حضنها
بلديتنا حب يعمل ارهابى خطف ابنه محدش سال عليه قتله
واحد بلدياتنا حب يطور الهليكوبتر فك المروحة وركب تكيف
مرة واحد صعيدي مات نزل عليه 62 ملاك 2 بيحاسبوه و60 بيفهموه انه مات
صعيدي عمل عملية .. نجحت راح عملها مرة تانية
صعيدي أعمى فتّح .. من الفرحة انشل
واحد صعيدي كبر دماغه ما عرفش يقلع الجلبية
واحد صعيدي وقع من الدور العاشر شنبه اتجزع
بلدياتنا لقى مصباح علاء الدين طلعله العفريت شبيك لبيك عبدك ملك اديك تطلب ايه؟عايز كوبري يوصل بين الصعيد ونيويورك رد عليه: لأ دي صعبه أوي شفلك طلب تاني طيب عايز الصعايده كلهم يبقول أذكيا ردعليه: انت قلتلي الكوبري رايح جاي ولا رايح بس؟
صعيدي ربنا كرمه ، اشترى عمارة عشان يقف عليها بواب
واحد صعيدي دخل محل
أجهزة كهربائية و سأل البياع ? بكام التليفزيون ده رد عليه البياع بقرف - إمشي ياله , ما بنبعش لصعايدة زعل الصعيدي من التفرقة العنصرية و قرر أن يشتري التليفزيون على سبيل العند , فحلق شاربه و ارتدى بدلة فاخرة و عاد للمحل - مساء الخير , بكام التليفزيون ده من فضلك فرد البياع - امش ياله ما بنبعش لصعايدة إغتاظ الصعيدي لأن البياع تعرف عليه , و قفلت معاه يشتري التليفزيون فعاد للمحل مرتديا ملابس إمرأة منقبة و غطى وجهه تمامآ و قال للبياع بصوت رفيع السلام عليكم يا أخي, بكم تبيعون هذا التليفزيون إن شاء الله فرد عليه البياع: إمش ياله ما بنبعش لصعايدة الصعيدي انجن فخلع النقاب صائحآ أنت بتعرفني كيف كل مرة يا ولد الفرطوس ؟ فرد عليه البياع : علشان ده مش تليفزيون , دي غسالة فول أوتوماتيك
سألوا واحد صعيدي : مين أهم الشمس ولا القمر رد: القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ
أذا كنت عايز واحد صعيدي يضحك يوم الجمعة تقوله نكتة يوم الخميس
في صعيدي نط من فوق سور المدرسه علشان عايز يدرس في الخارج
واحد صعيدى زكى اوى راح يصطاد نسى ياخد الطعم معاه فقعد يفكر يعمل اية يعمل اية ؟ وفى الاخر جاب ورقة وكتب عليها طعم ورماها فى المية تصوروا حصل اية ؟ بعد ربع ساعة طلعتلوا ورقة مكتوب عليها سمكة شوفتوا بئى
صعيدي سايق خنفساء ( فولكس) عمل حادثه موت خمسين واحد : في التحقيق بيسالوه ازاي عربيه صغيره زي ده تموت خمسين بني ادم ؟يا بيه انا كنت ماشي في امان الله دست فرامل ما لجيتش فرامل اعمل ايه جلت ادور علي حاجه اخبط فيها لقيت علي الناحيه اليمين راجل ماشي بطوله و الناحيه التانيه فيها خلق ياما اخبط مين ؟ تخبط الرجل اللي بطوله طبعا اهي ده اللي انا عملته امال موت الخمسين واحد ازاي ؟ ما هو ولد الفرطوس اما لجاني داخل عليه طلع يجري علي الناحيه التانيه اسيبه
واحد بلديتنا قاعد في مؤتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه فقام واحد ايطالي و قال
احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول
واحد بلديتنا راكب اتوبيس شاف واحده شاورلها شورتله غمزلها غمزتلو قلها انزلي المحطه اللي جايه نزلت قعد مكانها
واحد بلدياتنا جاله تليفون بيقوله يا صميده امك و ابوك و مراتك و اولادك كلهم ماتوا صاحبنا سمع الخبر قال الحياه ملهاش لزمه و راح طالع فوق عماره 30 دور و رمي نفسه بين 30و20 قال الله انا امي و ابويا ماتوا من زمان بين 20و10 قال الله انا مش متزوج قبل ما يقع علي الارض يابوووى انا مش اسمي صميده
واحد راح يغير انبوبة بوتجاز لأمه فبيقولها قبل ما ينزل ادعيلي يا امه قالتله روح يا ابني ربنا يفتحها في وشك
جلس امريكى مع صعيدي يتكلم عن تقدم بلدة وانهم اول ناس طلعوا القمر فالصعيدي سألة ولقيتة اية هناك؟ قالة رمل و زلط قالة اهوة دة احنا اللي مطلعينة
صعيدي الشمس ضربتة عملها
محضر في قسم الشرطة
صعيدي امتحن لوحدة طلع التاني
ثمانية صعايدة ماشيين وارا بعض وقعوا في بلاعة واحدة
واحد ماشي لقى عيلتين صعايدة بيضربوا بعض بالنار عيلة منهم مسكتة وسالته:انت معانا ولا مع التانيين؟؟ قالهم :لالا طبعا معاكم قالوا: طب احنا بقى التانيين --طاخ طاخ
اتنين صعايدة واحد منهم معاة قفة فقال للتانى لو جولتلى الجفة دية فيها اية حديلك منها بلحتين قالة: هه جوافة
مرة صعيدي مسافر قال لقائدالطياره شكرا اوي على الرحلتين دول رد الطيار ليه بتقول اثنيين؟ قله علشان بالنسبه لي دي اول و اخر مره
واحد صعيدي بيشخرفي النوم ازاز البيت اتكسر
مذيع تليفزيوني حب يثبت ان الصعايدة اذكياء فعمل برنامج مسابقات و استضاف 3 صعايدة فسأل الاول مين اللى انتصر فى الحرب العالمية التانية الحلفاء ولا المانيا النازية؟ فأجاب الحلفاء طبعا التفت الى التاني وسألة مين اللي كسب فى اخر ماتش الاهلي ولا الزمالك؟ فأجاب الاهلي طبعا فسأل التالت فهمت اية من اجابة السؤالين اللي فاتو؟ افهم ان المانيا حتلاعب الزمالك على التالت و
الرابع
ذهب واحد صعيدي لاول مره الى القاهره و معه زوجته و هما ماشيين في الشارع شافت الزوجه اوتوبيس فقالت شايف العربيه دي ماشيه من غير حمير ازاي؟ رد عليها: ما تكسيفيناش يا وليه الحمير جوه
واحـد صعيدي شــاف دورة مياه ،، راح يـســـجل فيهــا
تلاتة صعايدة عايزين يعملوا انقلاب وقفوا على دماغهم
