قصه اغنيه بودعك الجسمى

السلام عليكم ورحمه الله وبركاته

عاملين ايه ؟ يارب تكونوا تمام


طبعا كلكم عارفين اغنيه بودعك يالضنا بتاعت حسين الجسمى اللى كلماتها بتقول ..

باودعك يا الضنا انا وبا خليك ... عسى عيونك ماتشوف النكاده

انا لي الله وانت الله يخليك ..... تسرح وتمرح وتشوف السعاده

بتشوف كثر ما تشوفه أوله و تاليك ..وتعود للي قلبه لك صاير وساده

ما ودي ترجع والدمعه تجري فيك ..تحمل على خديك دمع زياده

و إن كان مالي في حبك حظاً بعطيك ..كل الأعمار بهديك وفوقها قلادة

عساك تعود وتذكر عاطرة ماضيك ..وتكون من الذكرى عندك شهادة

بودعك يا الضنا أنا وبخليك ..عسى عيونك ما تشوف النكادة

أنا لي الله وانت الله يخليك ..تسرح وتمرح وتشوف السعادة


ندخل فى القصه بقى دى قصه الشاعر اللى كتب الكلمات دى

الشاعر ده كان كل اللى طالبه من الدنيا دى زوجه تخلفله ولد يشيل اسمه ويكون سنده فى الدنيا

اتجوز الاولى والتانيه والتالته ومحصلش نصيب انه يخلف منهم

ولما مر بيه العمرحوالى 30 سنه وشاب شعره اتجوز الرابعه

الرابعه دى ربنا رزقها بطفل وعرفوا انه ولد حمد ربنا وفرح اوى

خلاص ربنا حققله اللى بيحلم بيه ودعائه استجاب

وخلاص هانت كلها 9 شهور ويشوف ابنه اللى كان بيتمناه بين ايده بس للاسف حس بوجع الموت

فقعد يكتب فى كلمات ( بودعك ) ..

ولاخر حرف فى الابيات مات الشاعر ومشافش ابنه

وسبحان الله فى نفس لحظه وفات الشاعر والتقاط اخر انفاسه

الزوجه كانت بتولد ابنه ساعتها ومع خروج روح الشاعر نزول ابنه اللى كان بيحلم بيه

انا حبيت انقل القصه دى عشان انا بحب الاغنيه دى اوى وحبيتها اكتر لما عرفت القصه

والصراحه مش متاكد من حقيقه القصه فقولت انقلها وخلاص

فقولوا لكل واحد او واحده حبيتوا تشوفوها ومحصلش نصيب

بودعك يالضنا انا وبخليك

وقولو لكل حبيب ومحصلش نصيب تاخد حظك من حبه

ان كان مالى فى حبك حظا بعطيك كل العمر وفوقه قلاده

ولو حبيبك سابك وبعد عنك متدعيش عليه

لا قوله انا ليا الله وانت الله يخليك تسرح وتمرح وتشوف السعاده