,,هل تبكي عند موت من جرحك يوما ما,,

يسلمووووووووووووووووووووووو

وانا معاكي بكلام ده

هو موضوع جميل جدا يا نونو وموجود فى حياتنا كتير جدا

بس انا مريت بحاجه زى دى وعلى حسب راى هرد اوك

انا شايف ان لما الواحد يحب حد اوى اخ او حبيب او صديق ويخدع فيه ويتفاجىء بالطعنه من شخص مش من المتوقع انها تطلع منه هو

شعور صعب جدا وبتحس انك بتحلم مش الواقع بس اللى بيسهلها عليك وانت بتفارق الشخص العزيز ده انك كنت عارف واحد واكتشفت انه وهم وخيال مش موجود كان دور بيمثله واحد وعرف يمثله صح خلاص هتبكى على مين ولا هتزعل على مين

وبعدين مهو كده كده الشخص العزيز عليك مات بالفعل اول لما عرفت الحقيقه المره بتاعت الفنان اللى كان متقمص دور الشخصيه هجاوبك على سؤالك حاضر

مش هبكى عليه ابدا لانى بكيت عليه لما مات فعلا بمجرد عرفت حقيقته انما اللى مات جسديا ده شخص معرفتوش ولا عمرى كلمته قبل كده ده كان ورا الستاره اللى حبيتها هزعل عليه ليه مبقاش يهمنى

ده راى الشخصى معرفش صح ولا غلط

الف شكر يا نونو على الموضوع الجميل تسلم ايدك